உக்ரைனின் தெற்குப் பகுதியில் ரஷ்யக் கட்டுப்பாட்டில் உள்ள ஒலேஷ்கி நகரைச் சுற்றி, மனிதாபிமான உதவிகளை வழங்குவதற்காக உள்ளூர் அளவிலான போர் நிறுத்தம் ஆரம்பிக்கப்பட்டுள்ளது.
உணவு மற்றும் மருந்துப் பற்றாக்குறையை எதிர்கொள்ளும் சுமார் இரண்டாயிரம் மக்களுக்கு உதவிகளை வழங்குவதற்கும், தேவையானவர்களைப் பாதுகாப்பாக வெளியேற்றுவதற்கான வழிகளை ஏற்படுத்துவதற்கும் இந்த நடவடிக்கை முன்னெடுக்கப்பட்டுள்ளது.
அமெரிக்க ஜனாதிபதியின் மனைவி மெலானியா ட்ரம்பின் முயற்சியுடன், பொதுமக்கள் தொடர்பான பேச்சுவார்த்தையாளர்கள் மற்றும் ஐக்கிய நாடுகள் சபை அதிகாரிகளின் பங்களிப்புடன் இந்த மனிதாபிமான நடவடிக்கை ஏற்பாடு செய்யப்பட்டுள்ளதாகத் தெரிவிக்கப்பட்டுள்ளது.
மருத்துவ உதவிகள், அத்தியாவசியப் பொருட்கள் மற்றும் குடிநீர் ஆகியவற்றை மக்களுக்கு வழங்குவது இதன் முக்கிய நோக்கமாகும்.
எனினும், இந்த உள்ளூர் போர் நிறுத்தத்தின் வரம்பு தொடர்பில் தெளிவற்ற நிலை காணப்படுவதுடன், உக்ரைனின் ஏனைய பகுதிகளில் ரஷ்யத் தாக்குதல்கள் தொடர்வதாகவும் தகவல்கள் தெரிவிக்கின்றன.
