சீனாவின் மத்திய வங்கியான மக்கள் வங்கி (People’s Bank of China), வர்த்தக வங்கிகள் வைத்துள்ள நீண்டகால அரசாங்கப் பத்திரங்களின் அளவைக் கட்டுப்படுத்தும் நோக்கில் புதிய மதிப்பீட்டு அளவீடுகளை அறிமுகப்படுத்தத் திட்டமிட்டுள்ளது.
வங்கி அமைப்பில் ஏற்படும் நிதி அபாயங்களைக் குறைக்கவும், நீண்டகால பத்திரங்களின் விலையில் ஏற்படும் கடும் மாற்றங்களை சீர்படுத்தவும் இந்த நடவடிக்கை மேற்கொள்ளப்படவுள்ளதாக தெரிவிக்கப்படுகிறது.
புதிய திட்டத்தின் கீழ், வங்கிகள் தங்களின் பத்திரக் கையிருப்புகளை பராமரிப்பது தொடர்பாக புதிய ஒழுங்குமுறை கட்டுப்பாடுகள் மற்றும் மதிப்பீட்டு அளவுகோல்கள் விதிக்கப்படவுள்ளன.
நீண்டகால கடன் பத்திரங்களில் வங்கிகள் அதிகளவு முதலீடு செய்வதால் ஏற்படும் வட்டி விகித அபாயங்கள் குறித்து மத்திய வங்கி தொடர்ச்சியாக எச்சரிக்கை விடுத்து வந்த நிலையிலேயே இந்த புதிய நடவடிக்கை திட்டமிடப்பட்டுள்ளது.
இந்த புதிய வழிமுறைகள் மூலமாக வர்த்தக வங்கிகள் பத்திரச் சந்தையில் அதிகப்படியான கடன் பத்திரங்களை குவிப்பதைத் தடுத்து, நிதிச் சந்தையின் ஸ்திரத்தன்மையை உறுதி செய்ய முடியும் என எதிர்பார்க்கப்படுகிறது.
