தென் அமெரிக்க நாடான வெனிசுலாவுடன் உலக வரலாற்றிலேயே மிகப்பெரும் மற்றும் வரலாற்றுச் சிறப்புமிக்க கச்சா எண்ணெய் ஒப்பந்தம் எட்டப்பட்டுள்ளதாக அமெரிக்க அதிபர் டொனால்ட் டிரம்ப் அதிகாரப்பூர்வமாக அறிவித்துள்ளார்.
இந்த ஒப்பந்தத்தின் மூலம் வெனிசுலாவின் 65 பில்லியன் பேரல் கச்சா எண்ணெய் இருப்பு அமெரிக்காவின் நேரடி கட்டுப்பாட்டின் கீழ் கொண்டுவரப்பட உள்ளது.
உலகளாவிய அளவில் சுமார் 17 சதவீத எண்ணெய் இருப்பைக் கொண்டுள்ள வெனிசுலாவில், ஏற்கனவே ஏற்பட்ட அரசியல் மாற்றங்களைத் தொடர்ந்து இடைக்கால அதிபராகப் பொறுப்பேற்ற டெல்சி ரோட்ரிக்ஸ் தலைமையிலான நிர்வாகத்துடன் நடத்தப்பட்ட உயர்மட்ட பேச்சுவார்த்தையின் முடிவில் இந்த முக்கிய உடன்பாடு எட்டப்பட்டுள்ளது.
அமெரிக்காவில் பெட்ரோல் மற்றும் டீசல் உள்ளிட்ட எரிபொருள்களின் விலை தொடர்ந்து உயர்ந்து பெரும் பொருளாதார நெருக்கடியை ஏற்படுத்தி வரும் சூழலில் இந்த நடவடிக்கை மேற்கொள்ளப்பட்டுள்ளது.
மேலும், மத்திய கிழக்கில் நீடித்து வரும் போர் காரணமாக சர்வதேச அளவில் எரிசக்தி விநியோகம் கடுமையாக பாதிக்கப்பட்டு, அமெரிக்காவின் சொந்த பெட்ரோலிய இருப்புகளும் வேகமாக சரிந்து வந்தன.
இந்த சர்வதேச நெருக்கடிக்கு தீர்வு காணும் வகையிலும், அமெரிக்க நிறுவனங்களின் மூலம் வெனிசுலாவின் எண்ணெய் வளங்களை திறம்பட நிர்வகிக்கும் நோக்கிலும் அமெரிக்க வெளியுறவுத் துறை மற்றும் பாதுகாப்புத் துறை செயலாளர்களின் தீவிர முயற்சியால் இந்த ஒப்பந்தம் வெற்றிகரமாக கையெழுத்தாகியுள்ளது.
