அமெரிக்க அதிபர் டொனால்ட் ட்ரம்பின் சர்ச்சைக்குரிய சமூக ஊடகப் பதிவுகளுக்குப் பதிலடி கொடுத்து, இரு நாட்டு வர்த்தகப் பேச்சுவார்த்தைகளைப் பாதிக்க விரும்பவில்லை என, பிரதமர் மார்க் கார்னி (Mark Carney) திட்டவட்டமாகத் தெரிவித்துள்ளார்.
கனடாவை அமெரிக்காவின் “51-வது மாகாணம்” (51st State) என்று ட்ரம்ப் மீண்டும் விளித்துள்ள நிலையில், இந்த விவகாரத்தை மேலும் சர்ச்சையாக மாற்றுவதற்கு, பிரதமர் மார்க் கார்னி மறுத்துவிட்டார்.
”ட்ரம்ப் சமூக ஊடகங்களை மிகவும் தீவிரமாகப் பயன்படுத்துபவர். அவர் பதிவிடும் எல்லாவற்றிற்கும் பதில் சொல்லிக்கொண்டோ அல்லது எதிர்வினை ஆற்றிக்கொண்டோ இருக்கப் போவதில்லை” என, பிரதமர் மார்க் கார்னி (Mark Carney) குறிப்பிட்டுள்ளார்.
”அமெரிக்கா என்பது கனடாவின் மிக முக்கியமான பொருளாதார மற்றும் பாதுகாப்பு எல்லை என்பதை மறந்துவிடக் கூடாது” எனவும் பிரதமர் வலியுறுத்தியுள்ளார்.
