நடிகை அனுபமா பரமேஸ்வரன், மத்திய அமைச்சர் சுரேஷ் கோபியுடன் இணைந்து நடித்த ‘ஜானகி vs ஸ்டேட் ஆப் கேரளா’ திரைப்படத்தைத் தொடர்ந்து, ‘பரதா’ என்ற புதிய திரைப்படத்தில் நடித்துள்ளார். இப்படத்தின் முன் வெளியீட்டு நிகழ்ச்சி மற்றும் ட்ரெய்லர் வெளியீட்டு விழா நடைபெற்றது.
‘பரதா’ திரைப்படத்தை இயக்குநர் பிரவீன் கண்ட்ரேகுலா இயக்கியுள்ளார், இவர் இதற்கு முன் ‘சினிமா பண்டி’ மற்றும் ‘சுபம்’ ஆகிய படங்களை இயக்கியவர். இந்தப் படம் தெலுங்கு மற்றும் மலையாள மொழிகளில் ஆகஸ்ட் 22, 2025 அன்று வெளியாகவுள்ளது.
ட்ரெய்லரில், பரதா அணிவது கட்டாயமாக்கப்பட்ட ஒரு கிராமத்தில் இருந்து வரும் அனுபமாவின் கதாபாத்திரம், ஒரு பயணத்தின் மூலம் மற்ற பெண்களையும் உலகையும் புரிந்து கொள்ளும் காட்சிகள் இடம்பெற்றுள்ளன. படத்தில் சங்கீதா க்ரிஷ் மற்றும் தர்ஷனா ராஜேந்திரன் ஆகியோர் முக்கிய கதாபாத்திரங்களில் நடித்துள்ளனர்.
‘பரதா’ திரைப்படத்தை ஆனந்த் மீடியா நிறுவனம் தயாரித்துள்ளது, மேலும் இசையமைப்பாளர் கோபி சுந்தர் இப்படத்திற்கு இசையமைத்துள்ளார்.
