இலங்கை – பங்களாதேஷ் அணிகளுக்கிடையிலான முதலாவது டெஸ்ட் போட்டியின் 4ஆம் நாள் ஆட்ட நிறைவில் பங்களாதேஷ் அணி 187 ஓட்டங்கள் முன்னிலையில் உள்ளது.
போட்டியின் நாணய சுழற்சியில் வெற்றிபெற்ற பங்களாதேஷ் அணி முதலில் துடுப்பெடுத்தாட தீர்மானித்தது.
தனது முதலாவது இன்னிங்ஸ் நிறைவில் பங்களாதேஷ் அணி சகல விக்கெட்டுகளை இழந்து 495 ஓட்டங்களைப் பெற்றது .
இதனையடுத்து தமது முதலாவது இன்னிங்ஸிற்காக துடுப்பெடுத்தாடிய இலங்கை அணி சகல விக்கெட்களையும் இழந்து 485 ஓட்டங்களை மாத்திரமே பெற்றுக் கொண்டது.
அதனடிப்படையில் முதல் இன்னிங்ஸ் நிறைவில் பங்களாதேஷ் அணி 10 ஓட்டங்கள் முன்னிலையிலிருந்தது.
தொடர்ந்து தமது இரண்டாவது இன்னிங்ஸை விளையாடிவரும் பங்களாதேஷ் அணி இன்றைய நாள் நிறைவில் 3 விக்கெட்களை இழந்து 177 ஓட்டங்களைப் பெற்றுக் கொண்டுள்ளது.
துடுப்பாட்டத்தில் பங்களாதேஷ் அணி சார்ப்பில் சத்மான் இஸ்லாம் 76 ஓட்டங்களையும், அணித்தலைவர் நஜ்முல் ஹெசேன் சான்டோ ஆட்டமிழக்காமல் 56 ஓட்டங்களையும் அதிகபட்சமாகப் பெற்றுக்கொண்டனர்.
அதனடிப்படையில் பங்களாதேஷ் அணி 187 ஓட்டங்கள் முன்னிலையில் இருக்கிறது.
