கியூபெக்கின் Granby பகுதியில் இரண்டு வயதுடைய சிறுமி ஒருவரை வெறிநாய்க்கடி நோய் பாதித்த ஸ்கங்க் (Skunk) தாக்கிக் கடித்த சம்பவம் பெற்றோர்கள் மத்தியில் பெரும் கவலையை ஏற்படுத்தியுள்ளது.
கடந்த நவம்பர் 3ஆம் திகதி சிறுமி தனது பகல்நேரப் பராமரிப்பு நிலையத்தில் (Daycare) வெளியே செல்லத் தயாராகிக் கொண்டிருந்தபோது இந்தச் சம்பவம் இடம்பெற்றுள்ளது.
திடீரென அங்கு வந்த ஸ்கங்க் சிறுமியின் காலைப் பற்றிக்கொண்டு தாக்கியுள்ளது. இதன்போது சிறுமியின் முழங்காலுக்குப் பின்புறத்தில் கடித்துக் காயப்படுத்தியுள்ளது.
உடனடியாகப் பராமரிப்பாளர்கள் தலையிட்டு அந்த விலங்கை அகற்றியுள்ளனர். பின்னர் சிறுமி மருத்துவமனைக்குக் கொண்டு செல்லப்பட்டு தடுப்பூசியும் Antibiotics மருந்துகளும் வழங்கப்பட்டுள்ளன.
குறிப்பாக, அந்த விலங்கு Raccoon Rabies எனப்படும் வெறிநாய்க்கடி நோயால் பாதிக்கப்பட்டிருந்தது ஆய்வில் உறுதிப்படுத்தப்பட்டுள்ளது.
கியூபெக்கில் இதுவரை வனவிலங்குகளில் 361 நோய்த் தொற்று சம்பவங்கள் உறுதிப்படுத்தப்பட்டுள்ளதாக அதிகாரிகள் தெரிவித்துள்ளனர்.
