துப்பாக்கிகளைத் தடை செய்யும் மத்திய அரசாங்கத்தின் அதிகார வரம்பு தொடர்பான வழக்கில், அனைத்து வாதங்களும் நிறைவடைந்ததைத் தொடர்ந்து உச்ச நீதிமன்றம் தனது தீர்ப்பை ஒத்திவைத்துள்ளது.
உச்ச நீதிமன்றத்தின் இறுதித் தீர்ப்பு வெளியாக இன்னும் சில மாதங்கள் ஆகும் என எதிர்பார்க்கப்படுகிறது.
கடந்த இரண்டு நாட்களாக நடைபெற்ற விசாரணைகளின் போது, ஏ.ஆர்-15 (AR-15) மற்றும் ரூகர் மினி-14 (Ruger Mini-14) உள்ளிட்ட பல வகையான துப்பாக்கிகளைத் தடை செய்யும் ஜஸ்டின் ட்ரூடோவின் முந்தைய கொள்கையை எதிர்த்துத் தொடரப்பட்ட வழக்குகளை, உச்ச நீதிமன்ற நீதிபதிகள் விசாரித்தனர்.
இதன்போது துப்பாக்கி உரிமையாளர்கள் நலச் சங்கங்கள் மற்றும் ஆர்வலர்கள் தரப்பின் வாதங்கள் முன்வைக்கப்பட்டன.
நவீன வரலாற்றில் மிக மோசமான நிகழ்வாகக் கருதப்படும் நோவா ஸ்கோடியா (Nova Scotia) படுகொலைக்குப் பிறகு, 2020 ஆம் ஆண்டில் சுமார் 1,500 வகையான துப்பாக்கிகளின் பயன்பாடு, விற்பனை மற்றும் இறக்குமதியைத் தடை செய்வதற்காக, மத்திய அரசாங்கம் தனது ஒழுங்குமுறை அதிகாரங்களைப் பயன்படுத்தியது.
பொதுப் பாதுகாப்புக்கு அச்சுறுத்தலாக விளங்கும் இந்தத் துப்பாக்கிகளின் உள்ளார்ந்த ஆபத்துத் தன்மையைச் சுட்டிக்காட்டி உருவாக்கப்பட்ட இந்தத் தடைப்பட்டியல், தற்போது 2,500 வகை துப்பாக்கிகளை உள்ளடக்கி விரிவுபடுத்தப்பட்டுள்ளது.
இந்த வழக்கின் மீதான இறுதித் தீர்ப்பு வரும் வரை, துப்பாக்கி உரிமையாளர்களுக்கான பொதுமன்னிப்புக் காலம் உச்ச நீதிமன்றத் தீர்ப்பு வெளியாகி 90 நாட்கள் வரை நீட்டிக்கப்பட்டுள்ளமை குறிப்பிடத்தக்கது.
