மொன்றியாலின் Pierrefonds-Roxboro பகுதியில் இன்று அதிகாலை இடம்பெற்ற வன்முறைச் சம்பவத்தில் 35 வயதுடைய ஒருவர் காயமடைந்து மருத்துவமனையில் அனுமதிக்கப்பட்டுள்ளார்.
Gouin Boulevard West மற்றும் 8th Avenue சந்திப்புக்கு அருகில் அதிகாலை சுமார் 2.10 மணியளவில் இந்தச் சம்பவம் இடம்பெற்றதாகப் பொலிஸார் தெரிவித்துள்ளனர். காயமடைந்தவரின் உடலின் மேற்பகுதியில் கூரிய ஆயுதத்தால் காயங்கள் ஏற்பட்டுள்ளன.
இந்தச் சம்பவத்துடன் தொடர்புடையவர் எனச் சந்தேகிக்கப்படும் 38 வயதுடைய ஒருவர் Mirabel பகுதியில் அதிகாலை 3.45 மணியளவில் கைது செய்யப்பட்டுள்ளார். சம்பவம் தொடர்பான விசாரணைகளை மொன்றியல் பொலிஸார் தொடர்ந்து மேற்கொண்டு வருகின்றனர்.
