கனேடிய மக்களின் வாழ்க்கைச் செலவைக் குறைக்கும் நடவடிக்கையாக, பெட்ரோல் மற்றும் டீசல் மீதான மத்திய அரசின் தற்காலிக excise tax சலுகை நீட்டிக்கப்பட்டுள்ளது.
மத்திய அரசு அறிவித்துள்ள திட்டத்தின்படி, பெட்ரோல், டீசல் மற்றும் விமான எரிபொருட்களுக்கான மத்திய excise tax முழுமையாக இடைநிறுத்தப்பட்ட நிலை 2027 ஜனவரி 31ஆம் தேதி வரை தொடரும்.
அதன் பின்னர், பிப்ரவரி 1 முதல் மார்ச் 31, 2027 வரை குறைக்கப்பட்ட வரி விகிதங்கள் நடைமுறைக்கு வரும். மத்திய அரசின் மதிப்பீட்டின்படி, இந்த வரிச் சலுகை 2026–27 காலப்பகுதியில் சுமார் 5.3 பில்லியன் டொலர் அளவிலான மொத்த வரிச் சலுகையை வழங்கும்.
எரிபொருள் விலை மற்றும் வாழ்க்கைச் செலவு அதிகரித்து வரும் சூழலில் குடும்பங்கள் மற்றும் போக்குவரத்து, விவசாயம், கட்டுமானம் உள்ளிட்ட துறைகளுக்கு நிவாரணம் வழங்குவதே இந்த நடவடிக்கையின் நோக்கம் என அரசு தெரிவித்துள்ளது.
