ஹபராதுவ யத்தெஹி பகுதியில் முன்னெடுக்கப்பட்ட சோதனை நடவடிக்கையில் ஹெரோயின், ஐஸ் போதைப்பொருள் மற்றும் 500 போதை மாத்திரைகளுடன் நபரொருவர் கைதுசெய்யப்பட்டுள்ளார்.
குறித்த நபர் உனவட்டுனை, ஹீனட்டியன பகுதியைச் சேர்ந்த 32 வயதுடையவர் என பொலிஸார் தெரிவித்துள்ளனர்.
கைதான நபரிடமிருந்து 112 கிராம் 260 மில்லிகிராம் ஐஸ் போதைப்பொருள், 29 கிராம் 700 மில்லிகிராம் ஹெரோயின் மற்றும் அடையாளம் காணப்படாத 500 போதை மாத்திரைகள் கைப்பற்றப்பட்டுள்ளது.
இவ்விடயம் தொடர்பாக பொலிஸார் விசாரணைகளை முன்னெடுத்துள்ளனர்.
