வாகனத் துறை மற்றும் எல்லை தாண்டிய வர்த்தகத்தை பெரிதும் சார்ந்துள்ள விண்ட்சர் பிராந்தியத்தின் உற்பத்தித் துறையானது, பிரதமர் மார்க் கார்னி சமர்ப்பித்த பட்ஜெட் தொடர்பில் ஏமாற்றத்தை அடைந்துள்ளதாக கூறப்படுகின்றது.
விண்ட்சர்-எசெக்ஸ் பிராந்தியம் கனடாவின் வாகன உற்பத்தித்துறைக்கான தலைநகராகக் கருதப்படுகிறது.
கனேடிய உற்பத்தித் திறனை அதிகரிக்கப்பதற்காக பெரிய முதலீடுகளை ஈர்ப்பதற்கு அந்த பட்ஜெட் உறுதியளித்த போதும், அமெரிக்க வர்த்தகத் தடைகளால் பாதிக்கப்பட்ட நிறுவனங்களுக்கு உடனடி, நிவாரணம் அளிப்பது குறித்த எந்த தகவல்களும் இதில் இல்லை என்று விண்ட்சர் பிராந்தியத்தின் தொழில்துறைப் பிரதிநிதிகள் தெரிவிக்கின்றனர்.
அமெரிக்காவின் வரிவிதிப்புகளால் ஏற்கனவே பாதிக்கப்பட்டுள்ள விண்ட்சர் பிராந்திய உள்ளூர் உற்பத்தியாளர்கள், மத்திய அரசிடமிருந்து நேரடி நிதி உதவி அல்லது வரிச் சலுகை நடவடிக்கைகளை எதிர்பார்த்திருந்தனர்.
அமெரிக்காவுடனான வர்த்தக முரண்பாடுகள் அதிகரிப்பதால் ஏற்படக்கூடிய வேலை இழப்புகள் குறித்து விண்ட்சர் வாகனத் தொழிலாளர்களைப் பிரதிநிதித்துவப்படுத்தும் யூனிஃபோர் (Unifor) தொழிற்சங்கம் ஆனது, ஊழியர்கள் மத்தியில் நிலவும் பயத்தை வெளிப்படுத்தியுள்ளது.
