யாழ்ப்பாணத்தில் காய்ச்சலால் பீடிக்கப்பட்ட நிலையில் , வைத்தியசாலையில் சிகிச்சை பெற்று வந்த பாடசாலை மாணவி சிகிச்சை பலனின்றி உயிரிழந்துள்ளார்.
அச்சுவேலி சரஸ்வதி மகா வித்தியாலயத்தில் தரம் 11 இல் கல்வி பயிலும் சந்திரானந்தன் வர்ணயா (வயது 16) என்ற மாணவியே இவ்வாறு உயிரிழந்துள்ளார்.
மாணவிக்கு காய்ச்சல் காரணமாக கடந்த 5 ஆம் திகதி யாழ்ப்பாணம் போதனா வைத்தியசாலையில் சிகிச்சைக்காக அனுமதிக்கப்பட்டார்.
வைத்தியசாலையில் அனுமதிக்கப்பட்டதை அடுத்து மாணவி சுயநினைவை இழந்த நிலையில் சிகிச்சை அளிக்கப்பட்ட நிலையில் இன்றைய தினம் வெள்ளிக்கிழமை காலை சிகிச்சை பலனின்றி உயிரிழந்துள்ளார்.
