தமிழ் திரையுலகின் உச்ச நட்சத்திரமான நடிகர் விஜய் உடைய தமிழக வெற்றிக்கழக கட்சிக்கொடி தொடர்ந்தும் சர்ச்சையை ஏற்படுத்தியது.
வாகை மலருடன் இரண்டு யானைகள் இடம்பெற்றிருக்கும் வகையில் தமிழக வெற்றிக் கழகத்தின் கொடி வடிவமைக்கப்பட்டது.
விஜய், கட்சியின் கொடியை அறிமுகப்படுத்தியவுடன் அதில் உள்ள யானை சின்னத்தைப் பயன்படுத்த தடை விதிக்க கோரி பகுஜன் சமாஜ் கட்சியின் தமிழக பொதுச்செயலாளர், சென்னை மேல் நீதிமன்றத்தில் மனுத் தாக்கல் செய்திருந்தார்.
இந்த வழக்கின் இறுதித் தீர்ப்புவரை, யானை சின்னத்தைப் பயன்படுத்த தமிழக வெற்றிக் கழகத்திற்கு இடைக்கால தடை விதிக்குமாறு அந்த மனுவில் குறிப்பிடப்பட்டிருந்தது.
குறித்த வழக்கு தொடர்பான விசாரணைகள் நடைபெற்றிருக்கும் நிலையில், தற்போது தமிழக வெற்றிக் கழகத்தின் கொடியில் உள்ள நிறம் குறித்து சென்னை உயர்நீதிமன்றத்தில் மற்றுமொரு வழக்கு தொடரப்பட்டுள்ளதாக இந்திய ஊடகங்கள் தெரிவிக்கின்றன.
