மின்சார வாகனத்தின் பயன்பாடு உலகளவில் அதிகரித்து வருகிறது.
ஆனால் இந்த வாகனங்களை Charge செய்ய அதிக நேரம் தேவைப்படும்.
இந்நிலையில், 5 நிமிடத்தில் மின்சார வாகனத்தை Charge செய்யும் அமைப்பை சீனாவைச் சேர்ந்த பிரபல மின்சார வாகன உற்பத்தி நிறுவனமான BYD உருவாக்கியுள்ளது
இதன் மூலம் மின்சார வாகனத்தை 5 நிமிடங்களில் Charge செய்து, அதன் மூலம் 400 கிமீ தூரத்திற்குப் பயணம் செய்ய முடியும்.
இதற்காக 1000kW Charging திறனுடன் ‘SUPER E PLATFORM’ என்ற தொழில்நுட்பத்தை BYD நிறுவனம் உருவாக்கியுள்ளது
இதன் போட்டி நிறுவனமான டெஸ்லா, 500kW Charging வேகத்தை வழங்கி வரும் நிலையில், BYD அதனை விட இரு மடங்கு வேகத்தை வழங்குகிறது.
தனது Han L sedan மற்றும் Tang L SUV மாடல் வாகனங்களில் இந்த SUPER E PLATFORM தொழில்நுட்பம் இருக்கும் என BYD அறிவித்துள்ளது.
மின்சார வாகனங்களில் Charge செய்ய அதிக நேரம் எடுக்கும் நிலையில், பெட்ரோல் வாகனங்களில் 5 நிமிடத்தில் பெட்ரோல் நிரப்புவது போல், இனி 5 நிமிடத்தில் காரை Charge செய்ய முடியும் என BYD நிறுவனம் அறிவித்துள்ளது
இந்தப் புதிய அறிவிப்பிற்கு பின்னர், BYD நிறுவனத்தின் பங்கு வரலாறு காணாத உச்சத்தை எட்டியுள்ளது.
