தமிழ்த் திரைப்பட நடிகர், தயாரிப்பாளர், பாடகர் மற்றும் பாடலாசிரியர் என பல துறைகளில் பணியாற்றி வருபவர் சிவகார்த்திகேயன். பல திரைப்படங்களில் கதாநாயகனாக நடித்து முன்னணி நடிகராக புகழ் பெற்றுள்ளார்.
கடைசியாக இவர் நடிப்பில் வெளியான ‘அமரன்’ திரைப்படம் மிகப்பெரிய வரவேற்பைப் பெற்றது.
அதனைத்தொடர்ந்து, ஏ.ஆர்.முருகதாஸ் இயக்கத்தில் ‘மதராஸி’ திரைப்படத்தில் நடித்துள்ளார். இத்திரைப்படம் விரைவில் வெளியாகவிருக்கிறது.
தற்போது சிவகார்த்திகேயன் ‘சூரரைப் போற்று’ படத்தை இயக்கிய சுதா கொங்கரா இயக்கத்தில் ‘பராசக்தி’ திரைப்படத்தில் நடித்து வருகிறார்.
மேலும், இயக்குநர் அட்லீ – அல்லு அர்ஜுன் திரைப்படத்தில் நடிகர் சிவகார்த்திகேயன் நடிக்கின்றார்.
இந்நிலையில், சிவகார்த்திகேயனின் அடுத்த திரைப்படத்தைப் பிரபல மலையாள இயக்குநர் ஜுட் அன்டனி இயக்கவுள்ளதாகத் தகவல் வெளியாகி உள்ளது.
இயக்குநர் ஜுட் அன்டனி 2023 ஆம் ஆண்டு வெளியாகி வெற்றி பெற்ற ‘2018’ திரைப்படத்தை இயக்கியவர் என்பது குறிப்பிடத்தக்கது.
