கனடாவில் வாழ்க்கைச் செலவு அதிகரித்து வரும் நிலையில், உணவுப் பொருட்களை வாங்குவதற்கான பணப் பற்றாக்குறை காரணமாக மக்கள் உணவைத் தவிர்க்கும் நிலை அதிகரித்து வருவதாகப் புதிய ஆய்வுத் தகவல்கள் தெரிவிக்கின்றன.
இன்று வெளியான கனடாவின் தேசிய வறுமை தொடர்பான ஆய்வு அறிக்கையில், கனேடியர்களில் ஏறத்தாழ மூன்றில் ஒருவர் உணவுப் பாதுகாப்பின்மையால் உணவைத் தவிர்ப்பதாகச் சுட்டிக்காட்டப்பட்டுள்ளது.
குறிப்பாக இளைஞர்கள் மற்றும் குறைந்த வருமானம் கொண்ட குடும்பங்கள் அதிகமான பாதிப்புகளை எதிர்கொள்வதாகவும் செய்திகள் தெரிவிக்கின்றன.
உணவுப் பொருட்களின் விலை, வீட்டு வாடகை, மின்சாரம் மற்றும் அத்தியாவசியச் செலவுகள் ஆகியவற்றைச் சமாளிப்பதில் குடும்பங்கள் சிரமங்களை எதிர்கொள்கின்றன எனவும் சுட்டிக்காட்டப்பட்டுள்ளது.
இந்த நிலை தொடர்ந்தால் உணவு வங்கிகளைச் சார்ந்திருக்கும் குடும்பங்களின் எண்ணிக்கையும் அதிகரிக்கக்கூடும் என்பதும் குறிப்பிடத்தக்கது.
