கவுதம் வாசுதேவ் மேனன் இயக்கத்தில் சிம்பு, த்ரிஷா நடிப்பில், வெளியான காதல் திரைப்படம் ‘விண்ணைத்தாண்டி வருவாயா’ மீண்டும் ரசிகர்களை கவர்ந்து வருகிறது.
2010ஆம் ஆண்டு வெளியான இந்தத் திரைப்படம், பல ஆண்டுகளுக்குப் பிறகும் திரையரங்கில் ரசிகர்களின் வரவேற்பை பெற்று வரும் நிலையில், அதன் ரீ-ரிலீஸ் திரையிடல் தற்போது 1,700 நாட்களைக் கடந்துள்ளதாக தகவல்கள் வெளியாகியுள்ளன.
கார்த்திக் மற்றும் ஜெஸ்ஸி கதாபாத்திரங்களின் காதல், ஏ.ஆர். ரஹ்மானின் இசை, கவுதம் மேனனின் காட்சியமைப்பு என, இன்றும் ரசிகர்களால் கொண்டாடப்படும் பல அம்சங்கள் இந்தப் படத்தில் உள்ளன.
ரீ-ரிலீஸில் நீண்ட காலம் தொடர்ந்து திரையிடப்பட்ட படங்களில் ஒன்றாக விண்ணைத்தாண்டி வருவாயா புதிய கவனத்தைப் பெற்றுள்ளது.
இந்த படம் வெளியாகி 16 ஆண்டுகள் கடந்தாலும் கார்த்திக் ஜெஸ்ஸியின் காதலுக்கு இன்னும் ரசிகர்களிடம் வரவேற்பு குறையவில்லை என்பதையே இந்த 1,700 நாட்கள் காட்டுகிறது.
