Québec மாகாணத்தில் எதிர்வரும் ஒக்டோபர் 5ஆம் திகதி மாகாணத் தேர்தல் நடைபெறவுள்ளது. தேர்தலுக்கு இன்னும் சில வாரங்களே உள்ள நிலையில், முக்கிய அரசியல் கட்சிகள் தீவிர பிரசாரத்தில் ஈடுபட்டுள்ளன.
சமீபத்திய கருத்துக்கணிப்புகளின்படி, Parti Québécois எனப்படும் PQ கட்சி முன்னிலையில் இருப்பதாகத் தெரிவிக்கப்படுகிறது.
PQ கட்சிக்கு சுமார் 29 சதவீத ஆதரவு காணப்படுகின்ற நிலையில், Coalition Avenir Québec எனப்படும் CAQ கட்சிக்கு 24 சதவீதமும், Quebec Liberal Party-க்கு 22 சதவீதமும் ஆதரவு இருப்பதாகக் கூறப்படுகிறது.
Conservative Party of Québec கட்சிக்கு சுமார் 15 சதவீதமும், Québec solidaire கட்சிக்கு 10 சதவீதமும் ஆதரவு கிடைத்துள்ளதாக கருத்துக்கணிப்புகள் தெரிவிக்கின்றன.
PQ முன்னிலையில் இருப்பதற்கு, கட்சித் தலைவர் Paul St-Pierre Plamondon முன்வைக்கும் Québec sovereignty விவகாரம் முக்கிய காரணமாகக் கருதப்படுகிறது.
PQ ஆட்சிக்கு வந்தால், எதிர்காலத்தில் Québec-ன் சுதந்திரம் தொடர்பாக referendum நடத்தும் திட்டம் இருப்பதாக Plamondon தெரிவித்துள்ளார்.
இதேவேளை, புதிய தலைவர் Christine Fréchette தலைமையில் CAQ கட்சி தேர்தலை எதிர்கொள்கிறது. Québec அரசியலில் நீண்டகாலமாக ஆதிக்கம் செலுத்திய CAQ, தனது ஆதரவை மீண்டும் அதிகரிக்க தீவிர முயற்சிகளில் ஈடுபட்டுள்ளது.
மறுபுறம், Quebec Liberals கட்சியும் தலைவர் Charles Milliard தலைமையில் மீண்டும் வலுப்பெற முயற்சித்து வருகிறது. குறிப்பாக Montréal உள்ளிட்ட பகுதிகளில் Liberal கட்சிக்கான ஆதரவு தேர்தல் முடிவில் முக்கிய தாக்கத்தை ஏற்படுத்தக்கூடும் என எதிர்பார்க்கப்படுகிறது.
இதற்கிடையில், Conservative Party of Québec மற்றும் Québec solidaire ஆகிய கட்சிகளும் தேர்தல் முடிவில் தாக்கத்தை ஏற்படுத்தக்கூடிய நிலையில் உள்ளன.
தற்போதைய கருத்துக்கணிப்பு நிலவரப்படி PQ முன்னிலையில் இருந்தாலும், எந்தவொரு கட்சியும் வெற்றியை உறுதியாகக் கூற முடியாத நிலையே காணப்படுகிறது.
மேலும், கணிசமான எண்ணிக்கையிலான வாக்காளர்கள் இன்னும் தங்களது இறுதி முடிவை எடுக்காத நிலையில், தேர்தலுக்கு முன்னதாக கட்சிகளின் ஆதரவில் மாற்றங்கள் ஏற்படக்கூடும் என அரசியல் ஆய்வாளர்கள் தெரிவிக்கின்றனர்.
