முன்னாள் கனேடிய ஒலிம்பிக் வீரர் ரையன் வெடிங் (Ryan Wedding) நடத்தி வந்த சர்வதேச போதைப்பொருள் கடத்தல் கும்பலைச் சேர்ந்த முக்கிய நபர், எப்.பி.ஐ (FBI) அதிகாரிகளால் கைது செய்யப்பட்டுள்ளார்.
டாமி டெமோரிசி (Tommy Demorizi) பெயருடைய குறித்த நபர் அமெரிக்காவின் நியூஜெர்சி விமான நிலையத்தில் வைத்து கைது செய்யப்பட்டுள்ளதாக தெரிவிக்கப்பட்டுள்ளது.
35 வயதான டாமி டெமோரிசி, மொன்ட்ரியல் நகரைச் சேர்ந்தவர் என்று குறிப்பிடப்பட்டுள்ளது.
இவர், ரையன் வெடிங்கின் குற்றப்பின்னணி கொண்ட அமைப்பில், மிக முக்கியமான பொறுப்பில் இருந்ததாகக் கூறப்படுகிறது.
இந்த வழக்கின் மையப்புள்ளியான ரையன் வெடிங், 2002-ஆம் ஆண்டு குளிர்கால ஒலிம்பிக் போட்டியில் கனடா சார்பில் பங்கேற்றவர் என்பது குறிப்பிடத்தக்கது.
