யாழ்ப்பாணத்தில் இரு இளைஞர்கள் போதை மாத்திரைகளுடன் கைது செய்யப்பட்டுள்ளனர்.
இணுவில் பகுதியில் இளைஞன் ஒருவர் போதை மாத்திரைகளை வைத்திருப்பதாக சுன்னாக பொலிஸாருக்கு கிடைக்கப்பெற்ற இரகசிய தகவலின் அடிப்படையில் , சம்பவ இடத்திற்கு விரைந்த பொலிஸார் இளைஞனை கைது செய்து விசாரணைகளை முன்னெடுத்த போது இளைஞனின் உடைமையில் இருந்து 2 போதை மாத்திரைகளை மீட்டுள்ளனர்.
அதேவேளை , வீதியில் பயணித்த இளைஞன் ஒருவரை சுன்னாக பொலிஸார் வழிமறித்து சோதனையிட்ட போது அவ் இளைஞனின் உடைமையில் இருந்து 20 போதை மாத்திரைகளை மீட்டுள்ளனர்.
அதனை அடுத்து இளைஞனை கைது செய்துள்ளனர் . இவ்வாறு போதை மாத்திரைகளுடன் கைதான இரு இளைஞர்களையும் பொலிஸ் நிலையத்தில் தடுத்து வைத்து பொலிஸார் மேலதிக விசாரணைகளை முன்னெடுத்துள்ளனர்.
