தண்டனை என்பது கற்றல் செயல்முறையின் ஒரு பகுதியாக இல்லை என சுகாதாரம் மற்றும் வெகுஜன ஊடக துணை அமைச்சர் வைத்தியர் ஹன்சக விஜயமுனி தெரிவித்துள்ளார்.
மேலும் அவர் தெரிவிக்ககையில் கல்வி என்பது உலகைப் புரிந்துகொள்வதும் மனித மூளையை அறிவியல் ரீதியாக வடிவமைப்பதும் ஆகும் என்று விளக்கினார்.
விலங்குகளைப் பயிற்றுவிப்பதற்கும் குழந்தைகளுக்கு கற்பிப்பதற்கும் உள்ள வித்தியாசத்தை அமைச்சர் எடுத்துரைத்தார்.
“குதிரைகளைப் பயிற்றுவிக்கும் போது, நீங்கள் சரியான செயல்களுக்கு வெகுமதி அளிக்கிறீர்கள், தவறுகளைத் தண்டிக்கிறீர்கள். ஆனால் மனிதர்களுக்கு கற்பிப்பது முற்றிலும் வேறுபட்டது.
குழந்தைகள் பெரும்பாலும் பணிகளை ஆசிரியரை விட ஆக்கப்பூர்வமாக அணுகுகிறார்கள், மேலும் தண்டனை கல்விக்கு அடிப்படையானது அல்ல என அமைச்சர் குறிப்பிட்டுள்ளார்.
விலங்குகளுக்கு பயிற்சி அளிக்கப்படும் இடங்களில் மட்டுமே இது பொருத்தமானது, ”என்று அவர் கூறினார்.
தண்டனை பயனுள்ள கல்வியுடன் பொருந்தாது என்பதை ஆராய்ச்சி காட்டுகிறது என்று அமைச்சர் மேலும் தெரிவித்துள்ளார்.
ஆசிரியர்கள் தங்களை பாடத்திட்டங்களுக்குள் மட்டுப்படுத்தாமல், முடிந்தவரை குழந்தைகளின் படைப்பாற்றலை வளர்த்து மேம்படுத்த வேண்டும் என்று அவர் வலியுறுத்தினார்.
