தாய்லாந்தில் சுற்றுலா சென்ற ஆசிரியர்கள் மற்றும் மாணவர்களை ஏற்றிச் சென்ற பஸ் தீ பிடித்து எரிந்துள்ளது.இந்த தீ விபத்தில் 25 பேர் உயிர் இழந்திருக்கலாம் என தெரிவிக்கப்படுகிறது.
மத்திய உதாய் தானி மாகாணத்தில் இருந்து அயுதயா மற்றும் நொந்தபுரி மாகாணங்களுக்கு பாடசாலை சுற்றுலாவிற்கு சென்ற பஸ்ஸில் 44 பயணிகளை ஏற்றிச்சென்றதாக போக்குவரத்து அமைச்சர் செய்தியாளர்களுக்கு தெரிவித்தார்.
மேலும், பஸ்ஸில் பயணித்த 44 பேரில் இது வரை 25 பேர் வரையில் உயிர் இழந்திருக்கலாம் என கூறப்படுகிறது .பஸ் சாரதி உயிர் பிழைத்ததுடன் தப்பி ஓடியதாகவும் தெரிவிக்கப்படுகிறது.
