பிரதமரின் உத்தியோகபூர்வ இல்லமான ’24 சசெக்ஸ் டிரைவ்’ (24 Sussex Drive) கட்டிடத்தின் எதிர்காலம் குறித்த இறுதி முடிவை எடுப்பதில் மத்திய அரசு மீண்டும் காலதாமதம் செய்துள்ளது.
ஜனவரி மாத இறுதிக்குள் இதற்கான தீர்வு எட்டப்படும் என எதிர்பார்க்கப்பட்ட நிலையில், தற்போது வரை இவ்விடயத்தில் எவ்வித உறுதியான முடிவும் எடுக்கப்படவில்லை என்பது தெரியவந்துள்ளது.
சுமார் 158 ஆண்டுகள் பழமையான இந்த மாளிகை, போதிய பராமரிப்பு இல்லாத காரணத்தால் கடந்த 2015-ஆம் ஆண்டு முதல் ஆள் நடமாட்டமின்றி பாழடைந்த நிலையில் உள்ளது.
கட்டிடத்தின் சுவர்களுக்குள் மிருகங்களின் எச்சங்கள் மற்றும் ஆபத்தான அஸ்பெஸ்டாஸ் (Asbestos) துகள்கள் நிறைந்திருந்ததால், இது மனிதர்கள் வாழ்வதற்குத் தகுதியற்றது என அறிவிக்கப்பட்டிருந்தது.
2024-ஆம் ஆண்டு இக்கட்டிடத்தில் சுமார் 4.3 மில்லியன் டொலர் செலவில் சுத்திகரிப்புப் பணிகள் முன்னெடுக்கப்பட்டன.
எனினும் தற்போது மின்சாரம் மற்றும் வெப்பமூட்டும் வசதிகள் ஏதுமின்றி இந்த ’24 சசெக்ஸ் டிரைவ்’ (24 Sussex Drive) கட்டிடம் உள்ளதாக தெரிவிக்கப்பட்டுள்ளது.
